Еркин Қарақалпақстан Вести Каракалпакстана 22:01:45, 11.11.2019
Хош келипсиз! | RSS
Сайт мазмуны

Кириў усылы

НӘЎҚЫРАН   ӘЎЛАД ЕЛИМИЗ  ТАЯНЫШЫ

Нөкисте «Саламат ана ҳәм бала жылы» Мәмлекетлик бағдарламасының ҳәм басқа да бағдарламалардың орынланыўы үстинен депутатлық қадағалаўдың нәтийжелери: жетискенликлер, машқалалар ҳәм келешектеги ўазыйпалар» темасында регионаллық семинар болып өтти.

Илажға Өзбекистан Республикасы Олий Мажлиси Сенатының ағзалары, Қарақалпақстан Республикасы Жоқар­ғы Кеңесиниң депутатлары, халық депутатлары Хорезм ўәлаятлық Кеңеси турақлы комиссияларының баслықлары ҳәм депутатлары, Сенаттың жергиликли ҳәкимият уйымларының жумысын күшейтиўге көмеклесиўши комиссияға жәрдем бериўши Қарақалпақстан Республикасы және Хорезм ўәлаяты бойынша жумысшы топарларының ағзалары, халық депутатлары районлық, қалалық Кеңеслери турақлы комиссияларының баслықлары ҳәм депутатлары, мәмлекетлик емес коммерциялық емес шөлкемлердиң, ғалаба хабар қуралларының ўәкиллери қатнасты.

Семинарды Қарақалпақстан Республикасы Жоқарғы Кеңеси Баслығының орынбасары А.Ҳамраев басқарып барды.

Күн тәртибиндеги мәселе бойынша Өзбекистан Республикасы Олий Мажлиси Сенатының ағзасы, Сенаттың жергиликли ҳәкимият ўәкиллик уйымларының жумысын күшейтиўге көмеклесиўши комиссияның баслығы Т.Мадумаров,  Сенат аппаратының Юридика бөлими баслығының орынбасары А.Махмудов, БМШтың Раўажландырыў бағдарламасының «Жергиликли басқарыў системасын қоллап-қуўатлаў: 2-басқыш» жойбарының ўәкили М.Каршиев, Қарақалпақстан Республикасы Жоқарғы Кеңесиниң Социаллық раўажланыў ҳәм жәмийетлик бирлеспелер мәселелери комитетиниң баслығы Б.Нурабуллаев, Хорезм ўәлаяты Социаллық-мәдений раўажланыў мәселелери турақлы комиссиясының баслығы Р.Сабуров, сенатор О.Атаниязова ҳәм басқалар шығып сөйлеп, Мәмлекетлик бағдарламалардың  орынланыўы үстинен депутатлық қадағалаўдың нәтийжелерине, бул бағдарда орын алып атырған айы­рым кемшиликлерге, соның менен бирге алда тур­ған әҳми­йетли ўазыйпаларға тоқтап өтти.

Атап өтилгениндей, Өзбекистан Республикасының Конс­титуциясы қабыл етилгениниң ғ3 жыллығына бағышланған байрам салтанатында елимиздиң Биринши Президенти Ислам Кәримов тәрепинен халқымыздың әсирлик дәстүрлери есапқа алынып,  «Ана ҳәм бала саламат болса, шаңарақ бахытлы, шаңарақ бахытлы болса, жәмийет беккем болады» деген турмыслық қәдирият ҳәм уллы идеяны жәми­йетимизде ен жайдырыўға бағдарланған  комплексли илажларды әмелге асырыў, шаңарақты, аналықты ҳәм балалықты қорғаў, саламат ҳәм бәркамал әўладты тәрбиялаў, шаңарақтың беккем болыўында мәмлекетлик ҳәкимият уйымларының ҳәм жәмийетлик шөлкемлердиң бирге ислесиўин күшейтиў мақсетинде 2016-жыл-Саламат ана ҳәм бала жылы, деп жәрияланды.

Өзбекистан Республикасы Президентиниң 2016-жыл 9-февральдағы «Саламат ана ҳәм бала жылы» Мәмлекетлик бағдарламасы ҳаққында»ғы қарарына муўапық республикамызда аймақлық бағдарлама тастыйықланды. Аймақлық бағдарлама 11 бөлим 109 бәнттен ибарат болып, оның орынланыўын тәмийинлеў ушын 312 миллиард 878,7 миллион сум ҳәм 6 миллион 618,6 мың АҚШ доллары көлеминдеги жумысларды әмелге асырыў режелестирилди. Усы тийкарда өткен айлар даўамында y медицина мәкемесинде реконс­трукция және қурылыс жумыслары алып барылып, 21 миллиард 489 миллион сумлық жумыс көлеми орынланды. Соның менен бирге, барлық районлық ҳәм Нөкис қалалық медицина бирлеспелери, Тақыя­тас қалалық емлеўханасы, пайтахтымыздағы жети шаңарақлық поликлиника 1 миллиард 966 миллион сумлық заманагөй әсбап-үскенелер менен тәмийинленди.

Жәҳән денсаўлықты сақлаў шөлкеми тәрепинен тастыйықланған диагностика ҳәм емлеўдиң халықаралық стандартларын нәрестелер реанимациясы бойынша 120 медицина хызметкери ЮНИСЕФ халықаралық шөлкеми тәрепинен оқытылды. Аўыллық жерлерде жасаўшы 16 мың 990 ҳәмиледар ҳаялға 42 мың 384 банка поливитамин комплекси тар­қатылды. 6 айлықтан 5  жасқа шекемги болған балалар арасында А витамини саплементациясы менен 175 мың 413 и қамтып алынды ҳәм 9,8 мың АҚШ доллары сарыпланды.

2004-2014-жылларда пайдаланыўға тапсырылған балалар-жас өспиримлер спорт мектеби менен объектлерин қосымша рәўиште, сондай-ақ, 2016-жылы объектлерди заманагөй спорт инвентарьлары ҳәм әнжамлары менен үскенелеў мақсетинде быйылғы жылдың  өзинде 32 атамадағы спорт инвентары менен тәмийинленди.

Илажда «Саламат ана ҳәм бала жылы» Мәмлекетлик бағдарламасы шеңберинде усындай кең көлемли илажлар әмелге асырылған болса да, алдымызда еле де болса бир қатар жумысларды орынлаў талап етилетуғынлығы атап өтилди. Соның менен бирге халық депутатлары жергиликли Кеңеслериниң қадағалаў жумысының ҳуқықый тийкарлары ҳәм оларды әмелге асырыўдың механизмлери, жергиликли ҳәкимият уйымларының жумысын күшейтиўге көмеклесиўши комиссияға жәрдем бериўши жумысшы топарларының жумысын еле де жанландырыў, Мәмлекетлик бағдарламаның орынланыўы үстинен депутатлық қадағалаўдың бүгинги жағдайы, оны әмелге асырыўда сиясий партиялар депутатлық топарларының қатнасы талқыланып, бул бағдарда ушырасып атырған машқалалар ҳәм оның шешими, алдағы ўазыйпалар бойынша пикир ҳәм усыныслар билдирилди.

Д.АБИБУЛЛАЕВ,

Қарақалпақстан хабар агентлигиниң хабаршысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF