Еркин Қарақалпақстан Вести Каракалпакстана 18:28:45, 21.11.2018
Хош келипсиз! | RSS
Сайт мазмуны

Кириў усылы

ТУРАҚЛЫ ҚАДАҒАЛАЎҒА АЛЫНБАҚТА

Өзбекистан Республикасы Министрлер Кабинетинде усы жылдың 20-сентябринде өткерилген мәжилис баяны менен физикалық ҳәм юридикалық тәреплер тәрепинен Республика Бас министри атына жиберилип атырған мүрәжатлардағы мәселелердиң өз ўақтында шешилиўин тәмийинлеўге қаратылған ислерди және де жетилистириў мақсетинде Бас министрдиң Интернет тармағындағы виртуал қабыллаўханасы шөлкемлестирилди.

Бул виртуал қабыллаўханаға мәмлекетимиздеги физикалық ҳәм юридикалық тәреплердиң мүрәжатларын қабыллаў ҳәм тийисли тәртипте үйренип шығыў, сондай-ақ, булардың өз ўақтында ҳәм сапалы шешилиўин қадағалаў киби ўазыйпалар белгиленген ҳәм дүзилген исши топар тәрепинен көрип шығылып, ти­йисли мәкемелерге жиберилип қадағалаўға алынады.

Қарақалпақстан Республикасы Әдиллик министрлигинде виртуал қабыллаўхана ар­қалы келип түскен мүрәжатларды өз ўақтында қабыллаў, орынлаўшыларға жеткериў ҳәм орынланыўын қадағалаў бо­йынша жуўаплы хызметкер бириктирилди ҳәм қадағалаўға алынды.

Усы жылдың өткен дәўиринде министрликке виртуал қабыллаўхана арқалы физикалық ҳәм юридикалық тәреплерден жәми 21 мүрәжатлар келип түсти ҳәм орынлаўға қаратылды.

Бүгинги күнде олардың 16 сы көрип шығылып, 14 ине ҳуқықый түсиник берилди, екеўи қанаатландырылып, судларға 118.345.365 сумлық даўа арзалары киритилди. Қалған бес мүрәжат министрлик тәрепинен үйренилмекте.

Буларда қойылған мәселелер министрлик басшылары тәрепинен қадағалаўға алын­ған болып, барлық итибар мүрәжаттың нызамлы шешилиўин тәмийинлеўге қаратыл­ған.

И.РАЗАКОВ,

Қарақалпақстан Республикасы Әдиллик минис­трлиги Шөлкемлестириў-қадағалаў ҳәм таллаў секторы жетекши мәсләҳәтшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF