Еркин Қарақалпақстан Вести Каракалпакстана 20:14:17, 25.08.2019
Хош келипсиз! | RSS
Сайт мазмуны

Кириў усылы

«МАМЫЙ» ДАЛАСЫНДАҒЫ БАЙРАМ КЕЙПИЯТЫ

Пийшемби күни елимиздиң атақлы жазыўшы-шайырлары, алымлары, кино ҳәм театр актёрлары, көркем өнер шеберлери, эстрада қосықшылары ҳәм «Ниҳол» сыйлығының ийелеринен ибарат үгит-нәсиятшылардан бир топары Шоманай районында болды.

Дәслеп мийманлар район ҳәкимиятында салтанатлы жағдайда күтип алынып, соңынан Шоманай аўыл хожалығы, педагогика ҳәм хызмет көрсетиў, агроэкономика кәсип-өнер колледж­леринде, 15-санлы улыўма билим бериў мектеби ҳәм 13-санлы балалар музыка ҳәм көркем өнер мектеплеринде, «Бегжап» АПЖ аймағындағы атыз шертеклеринде болып, илаж қатнасыўшылары ғәрезсизлик жылларында қолға киргизген табыслар, әсиресе, елимиз жасларының илим-пән, мәденият, көркем өнер ҳәм спорт салаларындағы жетискенликлери ҳаққында сөз етти. Илаж қатнасыўшыларына елимиздиң Биринши Президенти И.Кәримовтың басшылығында әмелге асырыл­ған реформалар ҳаққында сөз етиўши видео-ролик қойып берилди. Белгили кино ҳәм театр актёрлары, көркем өнер шеберлери ҳәм эстрада атқарыўшыларының атқарған қызықлы концерт бағдарламалары оқыўшы-жасларға үлкен заўық бағышлады.

— Қарақалпақстанға биринши сапарым. Дәслеп сапар алдында топарымыз ҳаққында қарақалпақстанлы жаслардың топар ҳаққында мағлыўматқа ийе болыўы бизлерди көп ойландырған еди. Лекин, жаслардың бизлерди жақсы күтип алыўы,  дөретиўшилигимизден хабардар болыўы бизлерге үлкен заўық бағышлады. Әсиресе, 15-санлы орта мектептиң оқыўшыларынан ибарат «Гәп жоқ» топарының дөретиўшилиги үлкен қуўанышқа бөледи,-дейди «Гап йўқ» топары жетекшиси Сәрдар Ташмуҳаммедов.

Сондай-ақ, илаж қатнасыўшылары райондағы «Бегжап» АПЖ аймағындағы пахта далаларында атыз мийнеткешлерине ҳармасынға барды.

Тарийхымызда «Мамый» даласы деп аталған, Шоманай елатында шөлкемлестирилген илажлар, әлбетте, келешегимиз болған жас әўладтың қәлбинде умытылмас тәсирлер қалдырады.

Р.АРЗИЕВ, арнаўлы хабаршымыз.

Шоманай районы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF