Еркин Қарақалпақстан Вести Каракалпакстана 13:29:17, 26.05.2019
Хош келипсиз! | RSS
Сайт мазмуны

Кириў усылы

ШВЕЙЦАРИЯ  ЕЛШИСИНИҢ РЕСПУБЛИКАМЫЗҒА  САПАРЫ

Усы жыл 21-октябрь күни Швейцарияның Өзбекистан Республикасындағы Айрықша ҳәм толық ҳуқықлы елшиси Штефан Клёцли ҳәм оның зайыбы Клодин Клёцли Қарақалпақстан Республикасына хызмет сапары менен келди.

Қарақалпақстан Республикасы Жоқар­ғы Кеңесиниң Баслығы М.Ерниязов мырза Ш.Клёцлиди қабыл етти.

Қабыллаў мәресиминде республикамыз басшысы Өзбекистан ҳәм Швейцария арасындағы дослық байланыслар ҳәр тәреплеме жақсы жолға қойылғанын ҳәм бул еки ел арасындағы бирге ислесиўлердиң жаңа басқышқа көтерилип атырғанын атап өтти.

Өз гезегинде елши Ш.Клёцли жыллы жүзлилик пенен қабыл еткени ушын республикамыз басшысына миннетдаршылық билдирип, Аралбойы үлкесине сапарының мақсети ҳаққында баян етти.

Швейцариялы мийманлар И.В.Савицкий атындағы Қарақалпақ мәмлекетлик көркем өнер музейин ҳәм пайтахтымыздың басқа да дыққатқа ылайық орынларын барып көрди.

Сондай-ақ, мийманлар Мойнақ районында болып, Арал теңизиниң қурып кетиўи ақыбетинде жүз берген экологиялық дағдарыстың халыққа тийгизип атырған унамсыз тәсирлерин сапластырыў мақсетинде Бирлескен Миллетлер Шөлкеминиң Раўажланыў бағдарламасы шеңберинде алып барылып атырған илажлар менен танысыўды мақсет еткен.

Қабыллаў мәресимине Қарақалпақстан Республикасы Министрлер Кеңеси Баслығының орынбасары М.Әлеўов қатнасты.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF