Еркин Қарақалпақстан Вести Каракалпакстана 00:34:47, 31.05.2020
Хош келипсиз! | RSS
Сайт мазмуны

Кириў усылы

 

ЖАС СПОРТШЫЛАРДЫҢ ЕРИСКЕН ЖЕҢИСЛЕРИ

Газетамыздың өткен санларының биринде пайтахтымыздағы 4-санлы жас өспиримлер спорт мектебинде тәрбияланып атырған спортшылардың ерискен жетискенликлери ҳаққында мақала жәрияланған еди. Кишкенелигинен спортты Өзине жолдас етип, усы дәргайда спорт пенен турақлы шуғылланып кия­тырған жас спортшылардың жақында ғана ерискен және бир жеңисин еситип, қолымызға қәлем алдық.

26-март ҳәм 5-апрель күнлери аралығында Германия мәмлекетинде 8 жас­тан 16 жасқа шекемги жас Өспиримлер арасында халықаралық турнир болып, онда жоқары көрсеткишлерге ерискен жас өспиримлер арасында бизиң жерлеслеримиз де бар.

 

 

Олар жоқарыда аты аталған спорт мектебинде тәрбияланып, Нөкис қалалық халық билимлендириў мәкемелери хызметин методикалық тәмийинлеў ҳәм шөлкемлестириў бөлимине қараслы 23-санлы улыўма билим бериў мектебиниң 5-класс оқыўшысы Мийирбек Узақбаев бул турнирде спорт гимнастикасы бойынша өзи қатарлы спортшылар арасында биринши орынды жеңип алып, алтын ҳам 33-санлы улыўма билим бериў мектебиниң 6-класс оқыўшысы Айгүл Кәримбаева болса көркем гимнастика бойынша үшинши орынды қолға киргизип, қола медаллары менен сыйлықланыў бахтына миясар болды. Бул Өткерилген спорт жарысында елимиз жасларының республикамыздың абырайын бЎлент шоққылар¬а көтергени ҳәм ерискен бундай жетискенликлери мақтанышлы жағдай, әлбетте. Ал, олардың ата-аналары ҳәм устазлары ушын Үлкен бахыт ҳәм уллы мәртебе.

- Дүньяның раўажланған мәмлекетине барыў ҳәм оны көриў мен ушын үлкен бахыт, ал, ол жақта өткерилген жарыста шәкиртлеримниң қолға киргизген утыслары болса, оннан да уллы бахыт,-дейди спортшылардың тренери Улығбек Әдилбеков қуўанышлы түрде шәкиртлерине кеўли толып. - Мине, бизлердиң усындай жерде өткерилген жарыста қатнасыўға кең имканиятларды жаратып берген ҳүрметли Президентимизге ҳәм жақыннан қәўендерлик еткен Қарақалпақстан Республикасы Балалар спортын раўажландырыў қорына өзимниң шексиз миннетдаршылығымды билдиремен...

А.ХОЖАНАЗАРОВ,

арнаўлы хабаршымыз.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF