Еркин Қарақалпақстан Вести Каракалпакстана 15:56:00, 23.02.2020
Хош келипсиз! | RSS
Сайт мазмуны

Кириў усылы

«ҲҮКИМЕТ  БАЛАЛАР НӘЗЕРИНДЕ»  ВЕБ-САЙТЫ

ҚАРАҚАЛПАҚ  ТИЛИНДЕ

Хабарыңыз бар, усы жылы июнь айында Интернет тармағында Өзбекис­тан Республикасы Ҳүкимет порталы шеңберинде «Ҳүкимет балалар нәзеринде» веб-сайты (www.kids.gov.uz) иске түсирилген еди.

Бул сайт 2016-жылы Өзбекистан Республикасында «Саламат ана ҳәм бала жылы» деп жәрияланыўы мүнәсибети менен ҳәм де информация-коммуникация технологиялары әмелиятқа кең енгизген ҳалда бәркамал әўладты тәрбиялаў бағдарында алып барып атыр­ған кең көлемли жумысларды логикалық даўам еттириў, балаларды «Мәмлекет» ҳәм «Ҳүкимет» түсиниклери, сондай-ақ, Өзбекистан ҳаққында улыўма мағлыўматлар менен жақыннан таныстырыў, олардың сиясий ҳәм ҳуқықый билимлерин қәлиплестириў мақсетинде жаратылған.

Ғәрезсизлигимиздиң 25 жыллығына саўға ретинде 2016-жыл 26-август күни усы сайттың қарақалпақ тилиндеги версиясы иске түсирилди. Бул веб-сайт­тың қарақалпақ тилиндеги версиясы Өзбекистан Республикасы Мәлимлеме технологиялары ҳәм коммуникацияларды раўажландырыў министрлиги ҳәм де Қарақалпақстан Республикасы Министрлер Кеңеси басламасы менен «Өзинфоком» компьютер ҳәм мәлимлеме технологияларын раўажландырыў ҳәм де енгизиў орайы тәрепинен ислеп шығылды.

Веб-сайттың қарақалпақша текст­лерин таярлаўда «Ғәзийне» газетасының редакциялық жәмәәти (Өзбекистан Республикасы Олий Мажлиси жанындағы мәмлекетлик емес коммерциялық емес шөлкемлерди ҳәм пуқаралық жәмийетиниң басқа институтларын қоллап-қуўатлаў жәмийетлик фондының арнаўлы гранты жеңимпазы) жақыннан жәрдем көрсетти.

Еслетип өтемиз, веб-сайт 6-12 жас­тағы балалар ушын мөлшерленген болып, веб-сайттан басланғыш класс оқыўшылары сабақ процесинде пайдаланыўы мүмкин. Онда Өзбекистан ҳәм де Өзбекистан Республикасының Мәмлекетлик ҳәкимият системасы ҳаққындағы улыўма мағлыўматлар әпиўайы текстлер ҳәм сүўретлер жәрдеминде сәўлеленген.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF