Еркин Қарақалпақстан Вести Каракалпакстана 16:15:59, 23.02.2020
Хош келипсиз! | RSS
Сайт мазмуны

Кириў усылы

ТАРАЎДЫ РАЎАЖЛАНДЫРЫЎ ЖОЛЫНДА

Мәмлекетимизде қайта ислеў кәрханаларын шийки зат ресурслары менен турақлы тәмийинлеў, ишки тутыныў базарын жыл даўамында овощ, картошка, мийўе ҳәм палыз өнимлери менен турақлы толтырыў, сондай-ақ, сыртқы базарларда бәсекиге шыдамлы бол­ған таза мийўе ҳәм қайта исленген мийўе-овощ өнимлерин экспорт етиў көлемин көбейтиў ушын оларды жетистириў, ислеп шығарыў ҳәм сатыўдың бирден-бир системасын қәлиплестириў мақсетинде Өзбекистан Республикасы Президентиниң 2016-жыл 12-апрель күни «Мийўе-овощ, картошка ҳәм палыз өнимлерин сатып алыў ҳәм олардан пайдаланыў системасын жетилистириў ис-илажлары ҳаққында»ғы қарары қабыл  етилди.

Усы қарарда 2016-жыл­ғы өнимнен баслап таза мийўе-овощ, картошка, палыз өнимлери ҳәм жүзим сатып алыў бойынша мәмлекет буйыртпасын енгизиў ҳаққындағы усынысы мақулланған. Мәм­лекет бу­йыртпасы жеке мүлк формасындағы қайта ислеў кәрханаларын шийки зат пенен турақлы тәмийинлеў, ишки тутыныў базарын қыс-бәҳәр мәўсиминде толтырыў мақсетинде резерв ғамлаў, сыртқы базарларда өтимли болған таза мийўе-овощ өнимлерин экспорт етиўден ибарат.

Фермер ҳәм дийқан хожалықлары тәрепинен таза мийўе-овощ, картошка, палыз өнимлери ҳәм жүзим жетистириў көлеми бойынша контрактация шәртнамалары дүзиледи.

Бул контрактация шәртнамасында фермер ҳәм дийқан хожалықлары бир тәрепинен мәмлекет ушын белгилеп берилген майданнан аўыл хожалығы өнимлерин жеткерип бериў ҳәм қайта ислеў кәрханалары, агрофирмалары (таярлаўшы) екинши тәрептен болса усы өнимлерди қабыл етиў ҳәм келисилген базар баҳасы бойынша ҳақысын төлеп бериў миннетлемесин өз мойнына алып, мийўе, овощ, жүзим, картошка ҳәм палыз өнимлерин сатып алыў бойынша контрактация шәрнамасын дүзеди ҳәм дүзилген шәртнамаға тийкар тәреплер ҳуқық ҳәм миннетлемелерге ийе болады.

Шәртнамаға муўапық белгиленген мүддетлерде аванс төлемлерин, тапсырылған өним ушын ти­йисли ҳақыларды төлеўден тийкарсыз бас тарт­қан жағда­йда таярлаўшы хожалыққа төленбеген сумманы ҳәм  өзи төлеўден бас тартқан сумманың 15 проценти муғдарында жәрийманы төлейди. Жәриймадан тыс­қары, таярлаўшы хожалыққа кешиктирилген ҳәр бир күн ушын төленбеген сумманың 0,4 проценти муғдарында, лекин 50 проценттен артық болмаған муғдарда пеня төлейди. Ал, товар-транспорт ҳүжжетин рәсмий­лестириў бийкар етилгенлиги ямаса надурыс рәсмийлестирилгенлиги ушын айыпкер тәреп бас­қа тәрепке ҳәр бир товар-транспорт ҳүжжети ушын ең кем айлық ис ҳақының бир есеси муғдарында жәрийма төлейди. Буннан тысқары, хожалықтың усы материаллар менен тәми­йинленбегенлиги нәтийжесинде көрген жәрийма менен капланбаған зыянларын да қаплайды.

Қарарға тийкар 2019-жылдың 1-январына шекем мийўе-овощ, картошка, палыз өнимлери ҳәм жүзимди қайта ислейтуғын жеке мүлк формасындағы кәрханалар, мәкемелер тийислилигине байланыссыз, заманагөй үскене ҳәм технологиялар алып кириўде бажыхана төлемлеринен ҳәм «Ўзбекозиқ­овқатхолдинг» холдинг компаниясы қурмына киретуғын қайта ислеў кәрханалары  бирден-бир социаллық төлемнен тыс­қары дәрамат салығы, юридикалық шахс­лар мүлк салығы, ми­крофирма ҳәм киши кәрханалар бирден-бир салық, мәмлекеттиң мақсетли фондларына мәжбүрий ажыратпалар төлеўден азат етилиўи белгилеп берилди.

Усы бәнтке муўапық салық ҳәм бажыхана жеңилликлери  берилиўи есабынан босайтуғын қәрежетлерден ислеп шығарыўды техникалық қайта үскенелеў ҳәм модернизациялаў ушын мақсетли пайдаланылыўы лазымлығы, мақсетсиз пайдаланылған жағдайда олар қайтарып алынып, бюджет ҳәм тийисли мәмлекеттиң мақсетли фондларына өткерилиўи белгилеп қо­йылған.

Сондай-ақ, қарар менен коммерциялық банклерге фермер ҳәм дийқан хожалықларына мийўе-овощ, картошка, палыз өнимлери ҳәм жүзим сатып алыў ушын мәмлекет буйыртпасы бо­йынша аванс ҳәм жуўмақлаўшы есап-китаплар ушын Өзбекистан Республикасы Орайлық банк­тиң  қайта қаржыландырыў ставкасынан жоқары болмаған ставкада кредит ресурсларын ажыратыў усыныс етилген.

А.ӨТЕЎЛИЕВ,

Қарақалпақстан Республикасы Әдиллик министрлигиниң шәртнамалық-ҳуқықый ислерди қадағалаў бөлиминиң жетекши мәсләҳәтшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF