Еркин Қарақалпақстан Вести Каракалпакстана 15:53:19, 23.02.2020
Хош келипсиз! | RSS
Сайт мазмуны

Кириў усылы

МЕКТЕПЛЕРДЕГИ  ТАЗАЛЫҚ-АЗАДАЛЫҚ  САБАҚЛАРЫ

Өзбекистан кәсиплик аўқамлары Федерациясы Қарақалпақстан кәсиплик аўқамлары шөлкемлери бирлеспеси Кеңеси тәрепинен «Кәсиплик аўқамлары — балаларға» ак­ция­сы шеңберинде республикамыздың ең шетки аўыллық мектеплеринде «Тазалық, азадалық — саламатлық гиреўи» илажлары өткерилди.

Ҳәр жылы өткерилиўи дәстүрге айланған бул илажлардың тийкарғы мақсети — балаларды киши жасынан баслап саламат турмыс тәризине үйретиў, үсти-басын, кийим-кеншеклерин ҳәм оқыў әнжамларын азада тутыўын, тазалық қағыйдаларын сақлаўды олардың санасына сиңдириўден ибарат.

Илажлар улыўма билим бериў мектеплериндеги 1-класс оқыўшылары арасында академиялық сабақлар түринде шөлкемлестирилди. Буларда медицина хызметкерлери ҳәм класс басшылары тәрепинен жуқпалы кеселликлерден сақланыў ҳәм алдын алыўға ти­йисли болған санитария-гигиеналық қағыйдалар үйретилип, балалар менен сораў-жуўаплар шөлкемлес­тирилди, арнаўлы интерактив усыл бойынша сабақлар өткерилди.

Өзбекистан кәсиплик аўқамлары Федерациясы  атынан Өзбекистан Республикасы Ғәрезсизлигиниң 25 жыллығы байрамы ҳәм де билимлер күнине бағышланып өткерилген бул илажларда Кегейли районындағы 6 мектепке 108 дана, Мойнақ районындағы 5 мектепке 175 дана, Нөкис районындағы 3 мектепке 43 дана, Шоманай районындағы 4 мектепке  101 дана, Тахта­көпир районындағы 3 мектепке 89 дана, Қанлыкөл районындағы 2 мектепке 79 дана, Қараөзек районындағы 5 мектепке 102 дана, Қоңырат районындағы 1  мектепке 103 дана, жәми 2 миллион 697 мың сумлық санитария-гигиеналық саўғалар тапсырылды.

— Мектебимиздиң 1-класс оқыўшыларына берилген саўғалар, қәнигелердиң оларға әпиўайы тилде тазалық ҳәм азадалық туўралы өткен сабақлары балаларымыз ушын оғада әҳмийетли,-дейди Кегейли районлық 51-санлы улыўма билим бериў мектебиниң муғаллими Л.Тлеўназарова. — Бизлер де өз гезегинде усы мазмундағы сабақларды даўам етемиз. Бул илажларды шөл­кемлестириўшилерге миннетдаршылығымызды билдиремиз...

Бул бағдардағы илажлар даўам етеди.

Ә.Жиемуратов,

Қарақалпақстан хабар агентлигиниң хабаршысы.

СҮЎРЕТТЕ: өткерилген илаждан көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF