Еркин Қарақалпақстан Вести Каракалпакстана 17:33:11, 23.02.2020
Хош келипсиз! | RSS
Сайт мазмуны

Кириў усылы

«ВАТАНПАРВАР» ШӨЛКЕМЛЕРИНДЕ ОҚЫТЫЎДЫҢ САПАСЫ ЖАҚСЫЛАНБАҚТА

Өзбекистан Республикасы Қураллы Күшлериниң қорғаныў қүдиретин беккемлеўге көмеклесиў, жаслар ҳәм пуқараларды мийнетке ҳәм Ўатанды қорғаўға таярлаў, өз шөлкеми арқалы тийисли мәмлекетлик уйымлар, жәмийетлик, мәмлекетлик емес, коммерциялық емес шөлкемлер менен бирликте жасларды әскерий-ўатансүйиўшилик руўхында тәрбиялаў ислеринде Өзбекистан Қорғаныўға көмеклесиўши «Ватанпарвар» шөлкеминиң  де қосып атырған үлеслери мол.

Сондай-ақ, мәмлекетимизде спорттың техникалық ҳәм әмелий түрлерин раўажландырыўда, автотранспорт қураллары айдаўшыларын ҳәм басқа да қәнигелерди таярлап бериўди шөлкем­лестириў бағдарында бул шөлкем кең көлемли жумысларды алып бармақта.

Шөлкемниң Кегейли районлық кеңеси оқыў-спорт техника клубында 2016-жыл даўамында автотранспорт қуралларын бас­қарыў бойынша 350 оқыўшы оқытылып, белгиленген тәртипте оқыўды табыслы тамамлағаны туўралы гүўалыққа ийе болды. 2016-жыл даўамында спорттың жазғы биатлон,  велосипед спорты, жас картингшилер ҳәм ҳаўа мылтығынан оқ атыў жарыслары болып өтти. Оларда жеңип шыққан спортшылар республика көлеминдеги жарысларға қатнасып, 2-3- орынларды ийеледи.

Автотранспорт қураллары айдаўшыларын таярлаўда жол ҳәрекети қәделери, автомобильлер дүзилиси, техника қәўипсизлиги, лаборатория, тәжирийбе шынығыўларын өткериў сыяқлы заманагөй оқытыў ханаларына ийемиз. Усы жерде ислеўши хызметкерлер шөлкем Орайлық Кеңесиниң орайлық оқытыў ора­йында билимин жетилистириў курсында оқып, тәжирийбе арттырып ҳәм оны оқытыў процесинде пайдаланбақта.

Өзбекистан Республикасында ислеп шығарылған «Дамас», «Нексия», «Спарк» жеңил автомобильлери үйрениўшилер хызметинде. Сондай-ақ, дәслепки басқарыўды үйретиўши тренажёрлар ислеп тур. Ҳәзирги ўақытта жүк автомобилин алыў алдындамыз. Автотранспорт қураллары айдаўшыларын таярлаўда заманагөй типте қурып питкерилген, барлық қолайлылықлар жаратылған «Автодром» майданшасы қурылып, пайдаланыўға тапсырылды.

Булардың бәри ғәрезсизлигимиздиң шарапаты менен иске аспақта. Мате­риаллық-техникалық базамыздың беккемлениўи сапалы қәнигелер таярлаў гиреўи.

Б.ӘБДИХАНОВ,

«Ватанпарвар» шөлкеми Кегейли ра­йонлық кеңеси ОСТК баслығы.

СҮЎРЕТЛЕРДЕ: шөлкем жумысларынан көринислер.

Ж.ЖАҚСЫМУРАТОВтың түсирген сүўретлери.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF