Еркин Қарақалпақстан Вести Каракалпакстана 16:50:52, 23.02.2020
Хош келипсиз! | RSS
Сайт мазмуны

Кириў усылы

ТӘРБИЯ ҲӘМ СПОРТ — САЛАМАТЛАСТЫРЫЎ БИРГЕЛИКТЕ

«Өзбекистан Республикасында 2016-жылда жас­лар­ға байланыслы мәмлекетлик сиясатты әмелге асырыўға қаратылған қосымша ис-илажлар Бағдарламасы»ның 70-бәнти талапларының орынланыўын тәми­йинлеў мақсетинде жақында Хожели районы Тақыятас қаласында жайласқан «Айдын жол» балалар жазғы дем алыў орайында Қарақалпақстан Республикасы  Минис­трлер Кеңеси жанындағы жас өспиримлер ислери бойынша комиссия қурамындағы ми­нистрлик, мәкеме ҳәм шөлкемлер менен биргеликте қала ҳәм районлық ишки ислер бөлимлеринде профилактикалық есапта турыўшы жас өспиримлер ушын тәрбия ҳәм спорт-саламатластырыў орайы шөлкемлестирилди.

Онда тийкарынан ишки ислер бөлимлеринде профилактикалық есапта  турыўшы жас өспиримлердиң дем алыўы режелестирилген. Дем алыў орайында руўхый-ағартыўшылық, спорт жарыслары өткерилиўи менен биргеликте стол тенниси, шахмат-шашка дөгереклери, китапханалар жумыс алып барды. «Камалат» жаслар жәмийетлик ҳәрекети Қарақалпақстан Республикалық Кеңесиниң бөлимлери ҳәм ықтыярлы жаслары тәрепинен «Биз саламат турмыс тәрептарымыз», «Бизнеске биринши қәдем», «Ең жақсы мақала», «Биз адам саўдасына қарсымыз», «Биз ғалабалық мәдениятқа қарсымыз» атамаларында семинар-тренинглер шөлкем­лестирилди. Сондай-ақ, бүгинги күнде жас болыўына қарамастан түрли тараўларда жетискенликлерди қолға киргизип киятырған стипендиантлар, спортшылар, «Өзбекистан белгиси» көкирек нышаны ийелери менен «Сениң менен «Камалат»қа қарай!» ураны астында ушырасыўлар өткерилди.

Өткен жылы усы орайда дем алған 35 жас өспирим «Камалат» жаслар жәмйетлик ҳәрекети Қарақалпақстан Республикалық Кеңесиниң усынысы менен ишки ислер бөлимлеринен профилактикалық есаптан шығарылған. Быйыл да дем алыў ора­йындағы жас өспиримлердиң көпшилиги келешекте өзлериниң жақсы минез-қулқы менен көзге түсетуғынына исенемиз.

К.ХУДАЙБЕРГЕНОВА,

«Камалат» жаслар жәмийетлик ҳәрекети Қарақалпақстан Республикалық Кеңеси Баспасөз хызмети жетекши қәнигеси.

СҮЎРЕТТЕ: орай турмысынан көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF