Еркин Қарақалпақстан Вести Каракалпакстана 18:22:06, 22.09.2019
Хош келипсиз! | RSS
Сайт мазмуны

Кириў усылы

ТҮНДИ  ТАҢЛАҒАН  ТИМУР

1988-жылдың 14-июнь сәнесинде Хожели ра­йонында туўылған, райондағы 13-санлы мәкан пуқаралар жыйыны аймағындағы Абадан көшеси оныншы жайда жасаўшы Абдуллаев Тимур Ерғалиевич талап ислеп дәрамат табыў ушын 2010-жылдың март айында Қазақстан Республикасына шығып кетеди. Маңғыстаў ҳәм Ақтаў ўәлаятларында пуқаралардың үйлеринде ҳәр түрли қурылыс жумысларын ислейди. 2016-жылдың февраль айының басында үйинен әкесиниң аўырып қалғанлығы ҳаққында хабар келеди. Қайтыўдың әнжамына кирискен оның пуқаралық паспортында Қазақстан Республикасында жүриў мүддети өтип кетеди. Не ислеў  керек!

Сол күни Бейнеў қаласының автовокзалына барып, шегарадан өткерип жиберетуғын адам излейди ҳәм тергеў дәўиринде исмин анықлаў мүмкиншилиги болмаған шахс пенен 30 мың Қазақстан теңгесине келиседи. Алдын ала тил бириктирген олар «түн ғәриптики» дегендей жолға шығады. Нәтийжеде 20l6-жылдың 4-февраль күни түнги l2.30лар шамасында белгиленген тәртипти бузып, яғный l999-жыл 20-август күнги «Өзбекистан Республикасының мәмлекетлик шегарасы ҳаққында»ғы Нызамының l5-пунктинде көрсетилген талапларды қопал рәўиште бузып, елимиз шегарасының Қоңырат районы «Каракалпакия» темир жол станциясы аймағына айланба жоллар арқалы сымлар арасынан нызамсыз түрде кирип киятыр­ғанда ғәрезсиз мәмлекетимиздиң қырағы шегара қорғаўшылары тәрепинен иркилген.

Әне, түнди таңлаған Тимурдың бул нызамсыз ҳәрекетлерине шек қойылып, суд уйымы тәрепинен қылмысына жараса жаза тайынланды.

Б.ҚУРБАНОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF