Еркин Қарақалпақстан Вести Каракалпакстана 19:10:51, 22.09.2019
Хош келипсиз! | RSS
Сайт мазмуны

Кириў усылы

ҲУҚЫҚЫЙ  МӘДЕНИЯТТЫ  АРТТЫРЫЎҒА  БАҒЫШЛАНДЫ

Өзбекистан Республикасы Конс­титуциясында елимиз пуқараларының ҳуқық ҳәм миннетлери анық етип көрсетилген. Сол айтқандай, Бас нызамымыз ҳәм Ҳүкиметимиз тәрепинен қабыл етилген нызамлар нызам ҳүжжетлерине әмел етиў ҳәр бир пуқараның ўазыйпасы болып есапланады. Сондай-ақ, елимиз ғәрезсизликке ерискеннен кейинги дәўирде пуқараларымыздың сиясий ҳәм ҳуқықый сана-сезими раўажланып, өз ҳуқықларын жетик билиў дәрежесине жетти десек қәтелеспеймиз. Бундай нәтийжелерге ерисиўдеги факторларды атап өтетуғын болсақ, бириншиден, пуқараларымыздың өз ҳуқықларын билиўге болған қызығыўшылығы болса, екиншиден, ҳуқық қорғаў уйымларының хызметкерлери тәрепинен оқыў орынларында, мийнет жәмәәтлеринде ҳәм пуқаралардың өзин-өзи басқарыў уйымларында өткерилип атырған илажлар да үлкен әҳмийетке ийе.

Усындай илажлардың бири сыпатында жақында Кегейли районлық мәденият ҳәм халықтың дем алыў орайында «Кегейли турмысы» газетасының Өзбекистан Республикасы Олий Мажлиси жанындағы мәмлекетлик емес, коммерциялық емес шөлкемлерди ҳәм пуқаралық жәмийетиниң басқа да институтларын қоллап-қуўатлаў Жәмийетлик фонды тәрепинен қаржыландырылған «Мәмлекетлик ҳәкимият ҳәм басқарыў уйымлары хызметиниң ашық-айдынлығын тәмийинлеўде ғалаба хабар қуралларының орны» атамасындағы жойбары шеңберинде болып өткен «Өз ҳуқықыңды бил ҳәм оған әмел ет!» атамасындағы оқыў-семинарын атап өтсек болады. Оған ҳуқық қорғаў уйымлары ўәкиллери, «Камалат» ЖЖҲ районлық бөлими қәнигелери, районлық кәсип-өнер колледжлери ҳәм мектеп оқыўшылары қатнасты.

Семинарда шығып сөйлеген тараў қәнигелери пуқаралардың, әсиресе, жасларымыздың ҳуқық ҳәм миннетлери, сондай-ақ, олар ушын мәмлекетимиз тәрепинен жаратылып берилген кең имканиятлар ҳаққында айтып өтти.

Илаж соңында қатнасыўшылар қәнигелерден өзлерин қызықтыр­ған сораўларға жуўаплар алды.

С.ЖОЛДАСОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF