Еркин Қарақалпақстан Вести Каракалпакстана 02:28:15, 17.09.2019
Хош келипсиз! | RSS
Сайт мазмуны

Кириў усылы

ҒӘРЕЗСИЗЛИКБУЛ ҲУҚЫҚ

Өзбекистан Республикасы Ғәрезсизлигиниң 25 жыллығы алдынан байрамды көтериңки кейпиятта өткериў мақсетинде республикамыз бойлап ҳәр қыйлы илажлар шөлкемлестирилип келинбекте. Усындай байрам алды илажларының бири жақында «Камалат» ЖЖҲ Қарақалпақстан Республикалық Кеңеси «Жаслар орайы»ның мәжилислер залында Қарақалпақстан Республикасы Әдиллик минис­трлигиниң шөлкемлестириўинде «Ғәрезсизлик — бул ҳуқық» сүрени астында «Мәмлекетлик емес коммерциялық емес шөлкемлери тараўындағы нызамшылықты жетилистириў»  атамасында семинар шөлкемлестирилди.

Мәмлекетлик ҳәм мәмлекетлик емес коммерциялық емес шөлкемлери ўәкиллери қатнасқан илажда тараў қәнигелери тәрепинен елимизде 25 жыл даўамында әмелге асырылған жумыслар ҳәм ерисилген жетискенликлер ҳаққында мәмлекетлик емес коммерциялық емес шөлкемлерине жаратылған шараятлар ҳәм жеңилликлер, тараўға тийисли нызамшылықтағы соңғы жаңалықлар ҳаққында түсиниклер берилди.

Атап айтқанда, 2016-жыл 25-апрель күнги «Өзбекистан Республикасының айырым нызам ҳүжжетлерине өзгерис ҳәм қосымшалар киргизиў ҳаққында»ғы Өзбекистан Республикасы Нызамына муўапық, бир қанша нызам-ҳүжжетлерине, соның ишинде мәмлекетлик емес коммерциялық емес шөлкемлери жумысы менен байланыслы өзгерис ҳәм қосымшалар киритилгенлиги айтып өтилди.

Сондай-ақ, Өзбекистан Республикасы Әдиллик министриниң 2016-жыл 15-июнь күнги буйрығы менен тастыйықланған «Мәмлекетлик емес коммерциялық емес шөлкемлериниң шет мәмлекетлерден, халықаралық ҳәм шет ел шөлкемлеринен, шет мәмлекетлердиң пуқараларынан ямаса олардың тапсырмасына муўапық басқа шахслардан пул қаржылары ҳәм мал-мүлк алыўды дизимнен өткериўши уйым менен келисиў тәртиби ҳаққында»ғы реже ҳаққында түсиниклер берилди. Және де, Өзбекистан Республикасы Әдиллик минис­триниң 2016-жыл 27-июль күнги «Мәмлекетлик емес коммерциялық емес шөл­кемлери илажларын келисиў тәртиби ҳаққындағы режеге өзгерис ҳәм қосымшалар киритиў ҳаққында»ғы буйрығы ҳаққында да кеңнен түсиниклер берилди.

Илаж соңында қатнасыўшыларға республикамыздағы миллий орайлар ҳәм исбилерменлик субъект­лериниң pЖаслар орайы»ның фойесинде шөл­кемлестирилген миллий өнерментшилик ҳәм миллий қәдириятларды сәўлелендириўши көргизбеси болып өтти.

Р.АРЗИЕВ,

арнаўлы хабаршымыз.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF