Еркин Қарақалпақстан Вести Каракалпакстана 23:04:34, 22.09.2019
Хош келипсиз! | RSS
Сайт мазмуны

Кириў усылы

КУБОК ЖАРЫСЛАРЫ ЖУЎМАҚЛАНДЫ

Соңғы жыллары спорттың теннис түри республикамызда жақсы раўажланып, ғалабалығы менен кең ен жайып бармақта. Ҳәзирги ўақытта елимиздиң көплеген жаслары бул  спорт пенен турақлы түрде шуғылланыў имканиятларына ийе болды.

Жақында пайтахтымызда жайласқан 1-санлы балалар ҳәм жас өспиримлер спорт мектебиниң ашық теннис кортларында ғәрезсизлигимиздиң 25 жыллығы байрамы алдынан «Саламат ана ҳәм бала жылы»на бағышланып 14 жастан жоқары болған балалар ҳәм қызлар арасында Қарақалпақстан Республикасы кубоги жарысы болып өтти.

—Мәмлекетимизде спортқа, әсиресе, балалар спортына болған дыққат-итибар өзиниң унамлы нәтийжелерин бермекте. Өткерилип атырған кубок жарыслары жас ракетка усталарына тәжирийбе арттырыў мектеби болды, десек қәтелеспеймиз. Себеби, республикамыздың барлық ра­йон ҳәм қалаларынан келген 14 команда ағзалары корт­ларда өз-ара беллесип, өзлериниң қай дәрежеде таярлықларға ийе екенлигин сыннан өткерди,-дейди жарыстың бас төрешиси Ж.Турдымуратов.

Еки күн даўам еткен жарыстың жабылыў мәресимине Қарақалпақстан Республикасы Жоқарғы Кеңеси Баслығының орынбасары А.Ҳамраев, Қарақалпақстан Республикасы Министрлер Кеңеси Баслығының орынбасары М.Әлеўов ҳәм Нөкис қаласы ҳәкими Ж.Опаевлар қатнасты.

Жарыс жуўмағында балалар арасында Қарақалпақстан Республикасы мәденият ҳәм спорт ислери министрлигине қараслы республикалық ойын ҳәм жеңил атлетика бойынша қәнигелестирилген балалар ҳәм жас өспиримлер спорт мектебиниң 1-командасы, қызлар арасында Нөкис спорт колледжиниң командалары биринши орынды ийелеп, усы жылдың 21-28-август күнлери Қашқадәрья ўәлаятының Қаршы қаласында болып өтетуғын Өзбекистан кубоги жарысына жоллама алды. Жеңимпазларға шөлкемлестириўшилер тәрепинен кубок, диплом ҳәм баҳалы саўғалар тапсырылды.

Р.АРЗИЕВ.

СҮЎРЕТТЕ: жарыс барысынан көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF