Еркин Қарақалпақстан Вести Каракалпакстана 02:42:31, 17.09.2019
Хош келипсиз! | RSS
Сайт мазмуны

Кириў усылы

АСПАЗЛАР ҚОЛЫНДАҒЫ «АЛТЫН ПЫШАҚ»

Күн өткен сайын жақынласып киятырған ғәрезсизлигимиздиң 25 жыллық байрамы мүнәсибети менен орынларда мәдений илажлар ҳәм таңлаўлар шөлкемлестирилмекте. Жақында Өзбекистан Аспазлар шөлкеми менен Өзбекистан Саўда-санаат палатасы Қарақалпақстан Республикалық басқармасының шөлкемлестириўинде «Алтын пышақ» аспазлар таңлаўының Республикалық басқышы болып өтти.

Таңлаўды Саўда-санаат палатасы Қарақалпақстан Республикалық Басқармасының баслығы Х.Қайыпназаров кирис сөз бенен ашты ҳәм басқарып барды. Буннан соң Қарақалпақстан Республикасы Министрлер Кеңесиниң экономикалық мәселелер бойынша секретариат баслығы С.Данияров ҳәм Өзбекистан аспазлар шөлкеми баслығының орынбасары А.Назаров сөзге шығып, таңлаўдың мақсетине кеңнен тоқтап өтти ҳәм қатнасыўшыларға  әўметлер тиледи.

Таңлаўда  Нөкис қаласы ҳәм районлардағы ресторан және кафелерден жәми 17 аспаз қатнасып, тағам түрлерин еркин көринисте,  яғный, қарақалпақ, өзбек миллий тағамлары менен бирликте жәҳән халықлары тағамларын да таярлады. Қатнасыўшылардың мийнетлери төрешилер тәрепинен сегиз басқыш яғный, қатнасыўшының арнаўлы формасы, жеке гигиена талапларына жуўап бериўи, жумыс орнын санитария ҳәм гигиена талаплары тийкарында таза услаў, тағам қойылатуғын столдың сервировка етилиўи, таярлан­ған салатлардың түрлери ҳәм мазасы, тағам таярлаўда избе-изликтиң сақланыўы, аспазлық шеберлиги ҳәм тағамды тарқатыўда дурыс жол тутыў, тағамның көриниси ҳәм мазасы бойынша баҳаланды.

Таңлаў жуўмағында Кегейли районындағы «Айсултан-Шарапатдин» жеке фирмасының бас аспазы И.Мамбетназарова биринши, Шымбай районындағы «Сатуллаева Венера» ЖШЖ бас аспазы А.Зарипова екинши, Нөкис қаласындағы «Ал Жаҳангир Нукус» ЖШЖ  бас аспазы Ф.Закиров үшинши орынларды қолға киргизип, алтын, гүмис, бронза медальлары, арнаўлы диплом ҳәм баҳалы саўғалар менен сыйлықланды.

Таңлаў жеңимпазлары Ташкент қаласында болып өтетуғын финал басқышына қатнасыў ушын жолламаны қолға киргизди.

Қарақалпақстан хабар агентлиги.

СҮЎретте:таңлаў жеңимпазлары.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF