Еркин Қарақалпақстан Вести Каракалпакстана 22:18:26, 22.09.2019
Хош келипсиз! | RSS
Сайт мазмуны

Кириў усылы

КӨТЕРИҢКИ  КЕЙПИЯТ  БАҒЫШЛАП...

Быйылғы ғәрезсизлик байрамы алдынан шөлкемлестирилип атырған салтанатлы илажлардың пүткил республика көлеминде ҳәр жылдағыдан өзгеше екенлигин айрықша атап өтиўимиз керек.

Усындай байрам илажларының бири жақында Бердақ атындағы Қарақалпақ мәмлекетлик сазлы теа­трында  болып өтти. Онда шегара әскерлери бөлими қосық ҳәм ойын ансамбли, Өзбекистан ҳәм Қарақалпақстан Республикаларының халық артисти О.Назарбеков, «Ниҳол» сыйлығының ийеси М.Эгамбердиева ҳәм республикамыздың көркем-өнер шеберлериниң атқарыўындағы қосық ҳәм аяқ ойын концерт бағдарламасы республикамыздың шегара әскерий бөлиминиң хызметкерлерине, олардың шаңарақ ағзаларына ғәрезсизлик байрамы мүнәсибети менен инам етилди.

— Байрам алдынан шөл­кемлестирилген концерт бағдарламасы көтериңки кейпиятта өтти. Сондай-ақ, усындай байрам илажы Маң­ғыт қаласында жайласқан Мәденият сарайында да шөлкемлестирилип, оған шегара әскерий бөлимимиздиң хызметкерлери ҳәм олардың шаңарақ ағзалары, шегара аймағы турғынлары, районлық МПЖ ҳәм АПЖ белсендилери қатнасты. Концерт соңында елимизге белгили көркем-өнер шеберлери менен олардың дөретиўшилигине байланыслы әдебий кеше шөлкемлестирилди,-дейди Нөкис қаласы шегара әскерий бөлиминиң хызметкери Ш.Ниёзматов.

Ғәрезсизлигимиздиң 25 жыллығы алдынан шөлкемлестирилип  атырған бундай байрам илажлары республикамыздың барлық қала ҳәм районларында да избе-из даўам ете береди.

 

Р.АРЗИЕВ.

СҮЎРЕТЛЕРДЕ: концерт бағдарламасынан көринислер.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF